suno ale la sina lon. taso, lon la sina seme? o toki e suno sina kepeken toki pona taso!
toki o pona. taso, toki li ken Inli. toki Inli o lili li lon len.
toki Inli: Speak only toki pona here. English is okay, but it should be minimal and in spoilers.
tenpo suno ni la mi lon tomo pi pana sona. tenpo poka la mi tawa tomo li wile kama lon supa lape a
lape pona!
lon la mi lape ala li wile awen taso li wile kepeken ilo mi a a a
nano li pali mute e lipu conlangs, from space! lon suno ni. nano li open e ona tawa ale. pali li pini la nano li lape. lape pona, nano o~
nano o lape pona! pona tawa sina tan pali ni a!
tenpo suno ni la mi lon tomo pi pana sona. taso suno ni la mi jo e poki telo lili a. mi jo kin e poki telo suli. mi pana e telo tan poki suli tawa poki lili li ken moku e ona mute lon tenpo pi wile mi a! taso, tenpo ni la telo suwi pi poki suli li kama lili. ike a.
tenpo suno ni la mi lon tomo mi. mi kama sona e toki Epelanto!
a! o kama sona pona!
tenpo suno ni la lawa mi li pilin pakala.
tenpo pini la mi kepeken misikeke Alipipaso lon tenpo suno ale.
tenpo ni la mi kepeken ala.
tan ni la sijelo mi li pilin ike, li pilin nasa.
taso mi sona e ni:
tenpo suno mute kama la mi pilin pona.
mi ken awen a!
suno ni la mi kama sona e ijo mute:
nasin sin mu li seme? a a a
sina wawa mute a! lawa sina o kama pona a
mi mu lon kulupu mu. kulupu li mu la kalama li suwi. mi kama sona e mu sin lon tenpo ni: jan pi lawa kulupu li pana e lipu sin tawa mi. lipu li toki e sin tawa mi la mi mu sin!
wawaaa. o mu pona
suno poka la, mi wile kama pona tawa waso pimeja. mi lukin pana e kili lili tawa ona tan poki telo mi. taso, ona li moku ala e pana. ken la, waso li sona ala e wile mi. mi o awen lukin kama pona tawa ona. mi wile e waso pona mute lon poka mi.
suno ni la, mi kama sona pona e sitelen & e sitelen * lon toki ilo C.
tenpo suno ni la mi kalama musi lon poka pi jan ante. jan ante ni li kamala musi kin kepeken ilo ante. mi ale li kalama musi pona wawa a! mi pilin pona tan ni. wile mi la mi ale li kulupu sin lon tenpo kama.
tenpo suno ni la mi awen lon supa mi li tawa ala a a a
tenpo suno kama la mi o tawa mute
tenpo suno NI la mi moku e ijo sama ni: moku soweli en kipisi kili en ko pi telo mama li lon insa pan tu. ona li pona tawa uta mi, taso ona li pilin suli li pilin ike lili lon insa mi a a a.
sina ale li seme lon tenpo suno ni?
mi pali e toki sin mi a
nasin kalama ona taso en nasin ona pi sitelen Lasina taso li lon tenpo ni
kin mi li tawa tomo esun tawa tomo moku lon tenpo poka pi suno ni
moku en esun li pona a
